Ned, weil die Schüler im zurückliegenden Jahr so wuid  warn, sondern weil der in Bayern einfach dazughört! 🙂

Und s`Leviten lesen muass a sei, egal ob sas braucht oder ned! So wars oiwei scho!

Wenn es draußen is bitterkalt und es große Mengen schneit,

dann ist Winterzeit und der Krampus is a nimma weit.

Wenn da Krampus in d`Schui kimmt, dann is aber gscheid woas am laufa,

da weard ned globt, doa weards ernst, doa weard gschimpft mit dem Haufa.

Da Krampus bringt koane Geschenke und Süßigkeiten,

sondern is grantig, wuid und bös wegen der Schüler Unartigkeiten.

Besonders sauer weard er, wenn die Klos wieda verstopft san und verdreckt,

de Papierl im Gang umanand liagn weil ihr de Guatl vom Pausnverkauf schleckt,

wenn mim Boi im Schuihaus umananda weard gschossn, dass dieWänd verschmiern,

wenn woas kaputt gmacht weard und da Schuldige duad sie ned rührn.

Sauer weard da Krampus a wenn gstritten und grafft weard unter dea Mädl und Buam

oder wenns in de Klassenzimmer ausschaut wia Kraut und Ruam.

Wenn beleidigende Whatsapp hin und her gschriem wearn

oder einzelne dauernd an Unterricht störn.

Ab heid dean se aber a de oastrenga,

de bisher so goar ned ans brav sei denga.

Denn wenn da Krampus kimmt im nächstn Joar,

packt er genau die am Krawattl und an de Hoar

schmeisst sie eini in sein Sack und haut drauf mit da Ruatn

auskemma dean dann wirklich nur de Braven und Guatn.